Кыргызстан алты айда 19,9 миң тоннадан ашык сүт продукциясын экспорттоду
2026-жылдын алгачкы алты айынын жыйынтыгы боюнча Кыргызстан ЕАЭБ өлкөлөрүнө жана үчүнчү мамлекеттерге сүт жана бал продукцияларын экспорттоону активдүү улантты. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Отчеттук мезгилде өлкөдөн жалпысынан 19 915,55 тонна сүт продукциясы экспорттолду. Анын ичинде 2 339 тонна балмуздак, 100,56 тонна сары май, 674,54 тонна сыр, 197,77 тонна кымыз жана курут сыяктуу кычкыл сүт азыктары, ошондой эле 189 тонна сүт сывороткасы тышкы рынокторго жөнөтүлдү.
Мындан тышкары, табигый балдын экспорту да өсүп, алты ай ичинде чет өлкөлөргө 228,84 тонна бал чыгарылды.
Бул көрсөткүчтөр кыргызстандык өндүрүүчүлөрдүн продукциясына тышкы рыноктордо суроо-талаптын жогору экенин жана сүт менен бал тармагындагы экспорттук мүмкүнчүлүктөрдүн кеңейип жатканын айгинелейт.
Кыргызстан айыл чарба продукцияларын кайра иштетүүнү өнүктүрүү жана экспорттук потенциалды жогорулатуу боюнча иштерди улантып, сапаттуу жана атаандаштыкка жөндөмдүү азык-түлүк продукцияларын дүйнөлүк рынокторго чыгарууга өзгөчө көңүл бурууда.
