Экономика жана коммерция министрлигинин өкүлдөрү эл аралык өнөктөштөр менен жолугушту
Бүгүн КРнын экономика жана коммерция министринин орун басары Медербек Туманов өнүктүрүү боюнча эл аралык өнөктөштөр менен жолугушуп, мындан аркы кызматташууну өркүндөтүү маселелерин талкуулады.
Жолугушууда эл аралык гранттык жана техникалык жардамды координациялоо, ошондой эле министрлик менен өнүктүрүү боюнча өнөктөштөрдүн өз ара аракеттенүүсүнүн натыйжалуулугун жогорулатуу маселелери талкууланды.
Медербек Туманов эл аралык өнөктөштөрдүн колдоосу менен ишке ашырылган долбоорлорду инвентаризациялоо боюнча жүргүзүлүп жаткан иштер тууралуу маалымат берди. Бул иштер эл аралык жардамдын ишке ашырылып жаткан жана аяктаган долбоорлору боюнча маалыматтарды системалаштырууга багытталган.
Жолугушуунун жыйынтыгында тараптар биргелешкен долбоорлорду координациялоону, маалымат алмашууну жана эл аралык кызматташтыкты мындан ары өнүктүрүүгө даяр экенин билдиришти.
