Токтогул районунда 1,7 млрд сомдон ашык каражатка жолдор курулуп, оңдолууда

Токтогул районунда республикалык бюджеттин эсебинен жалпы наркы 1 млрд 764,8 млн сомду түзгөн төрт автомобиль жолун куруу жана оңдоо долбоору ишке ашырылууда. Бул тууралуу президент Садыр Жапаровдун 24-октябрда Жалал-Абад облусуна болгон иш сапарында маалымдалды.

Маалыматка ылайык, эң ири долбоор - узундугу 53 чакырымды түзгөн Токтогул - Беш-Таш автомобиль жолу. Анын наркы 1 млрд 650 млн сомго бааланган.

Ошондой эле 6,5 чакырымдык Үч-Терек - Жетиген жолуна 50 млн сом, 7,8 чакырымдык Төркөн - Толук жолуна 28,8 млн сом жана 5 чакырымдык Үч-Терек - Бууракан жолуна 36 млн сом каралган.

Жалпысынан аталган төрт жолдун узундугу 72,3 чакырымды түзөт.