Мамлекеттик топтомо пенсиялык фонду - 15 млрд 61 млн сом инвестициялады
Мамлекеттик топтомо пенсиялык фондунун 2026-жылдын январь-август айларындагы инвестициялары: натыйжалары жана кирешелүүлүгүн Социалдык фонд жарыялады. Билдирүүгө караганда мамлекеттик топтомо пенсиялык фондунун (МТПФ) каражаттарынан 2026-жылдын январь-август айларында жалпы 15 млрд 61 млн сом инвестицияланды.
Социалдык фонддун маалыматына ылайык, анын 11 млрд 489,4 млн сому мамлекеттик баалуу кагаздарга (МБК) жайгаштырылган. Алардын жылдык кирешелүүлүгү 12,86–16% чегинде болгон.
Мындан тышкары, МТПФнын 3 млрд 571,6 млн сому коммерциялык банктардын 12 жана 18 айлык мөөнөттүү депозиттерине жайгаштырылган. Депозиттер боюнча жылдык кирешелүүлүк 11,3–14,3% түзгөн. 2026-жылдын январь-август айларында мурда инвестицияланган каражаттардан төмөнкү кирешелер алынган:
- мамлекеттик баалуу кагаздардан — 4 млрд 352,7 млн сом;
- депозиттерден пайыздык киреше — 501,8 млн сом;
- акционердик коомдордун акцияларынан дивиденддер — 185,9 млн сом;
- МТПФнын эсептериндеги акча каражаттарынын күнүмдүк калдыктарына чегерилген пайыздардан — 13,2 млн сом.
Жыйынтыгында, отчеттук мезгилде МТПФнын каражаттарын инвестициялоодон жалпы 5 млрд 53,6 млн сом киреше алынган.
