Салык төлөөчүлөр жеке кабинеттеги маалыматты кантип коргой алат?
Салык кызматы салык төлөөчүлөрдү Жеке кабинеттеги маалыматтарын коргоого чакырды. Билдирүүгө караганда, жеке кабинетте жарандардын жеке маалыматтары, салыктар, төлөмдөр жана отчеттуулук тууралуу маанилүү маалыматтар сакталып турат.
Аталган маалыматтардын коопсуздугун коргоо үчүн:
- логин жана сырсөздү башка адамдарга бербөө;
- татаал жана ишенимдүү сырсөз колдонуу;
- сырсөздү мезгил-мезгили менен жаңыртып туруу сунушталат.
Салык кызматынын маалыматы боюнча, бул жөнөкөй чаралар жеке маалыматтардын коопсуздугун сактоого жардам берет.
Мурда жарандар салык органдарына барып кезек күтүп, документ толтурууга бир топ убакытысын коротушса, бүгүнкү күндө бардык маалыматтар жана төлөмдөр онлайн түрдө жеткиликтүү. Салык төлөөчүнүн жеке кабинетинде карыздар, төлөө мөөнөттөрү, төлөнө турган суммалар боюнча толук маалыматты алуу мүмкүнчүлүгү түзүлгөн.
