Энергетика

Бишкекте электр тармагынын оңдоп-түзөө иштери башталды

Чынгыз Керимбеков

19 мар. 2024 13:20

Күз-кыш мезгилинен өтүүнүн жыйынтыгы боюнча 2024-жылга карата оңдоо иштеринин планына ишенимдүү электр менен камсыздоонун сапатын жогорулатуу үчүн керектүү материалдар жана иш-чаралар киргизилген. Бул тууралуу Энергетика министрлиги билдирди.

Керектөөчүлөрдү электр энергиясы менен камсыздоонун сапатын жакшыртуу үчүн быйыл ишкана 2 күч автотрансформаторун жана 37 комплект 6-10/0,4 кВ трансформатордук көмөкчордонду алмаштырат.

Ошондой эле Бишкек электр тармактар ишканасы 220/110/35-10 кВ жогорку чыӊалуудагы 48 көмөкчордондордо оңдоо жана техникалык тейлөө иштерин жүргүзөт, 220/110/35 кВ чыңалуудагы 552,32 км аба чубалгыларын жана 10/6-0,4 кВ чыңалуудагы 2230,3 км аба чыбалгыларын оңдойт, 1863 комплект трансформатордук көмөкчордондорду учурдагы оңдоо иштерин жүргүзөт.

Мындан тышкары ишкана 10 кВ чыңалуудагы 5,64 км аба чубалгыларын жана 6-0,4 кВ чыңалуудагы 64,72 км аба чубалгыларын өзүн өзү кармап туруучу зымдарды (СИП) колдонуу менен реконструкциялоону пландаштырган.

Белгилей кетсек, электр энергия менен камсыздоонун ишенимдүүлүгү жабдуулардын үзгүлтүксүз иштөөсүнөн гана эмес, көп нерсе электр берүү чубалгысынын боюндагы трассанын абалынан да көз каранды. Анткени, көп учурда өсүп, зымдарга кулаган дарактар өчүрүүлөрдүн себеби болуп калат. Бишкек ЭТИ боюнча оңдоо иштеринин жүрүшүндө 410,4 км электр берүү чубалгыларынын боюндагы трассадагы бак-дарактар кыркылат.

Бишкек электр тармактар ишканасы оңдоп-түзөө иштерин жүргүзүү учурунда электр энергиясы менен камсыздоодо үзгүлтүктөр болушу мүмкүндүгүн эскертет жана керектөөчүлөрдөн жүргүзүлүп жаткан иштерге түшүнүү менен мамиле кылууну суранат. Пландаштырылган электр энергиясынын өчүрүлүшү тууралуу маалымат компаниянын сайтында, социалдык тармактардагы баракчаларында жана ЖМКларда жарыяланып турат.

Мындан тышкары окуңуз

Чүй облусу менен Бишкектеги эң ири өнөр жай долбоорлору кайсылар?

Экономика жана коммерция министрлигинин биринчи орун басары Чоро Сейитов Бишкек шаарында жана Чүй облусунда ишке ашырылып жаткан негизги инвестициялык долбоорлор тууралуу айтып берди. Анын айтымында, жаңы өндүрүштөрдүн ачылышы өлкөдө миңдеген жумуш орундарын түзүп, миллиарддаган инвестицияларды тартат. Эң ири долбоорлордун бири — Resto компаниясы тарабынан электр энергиясын өндүрүүчү объекттерди куруу. Бул секторго

ИИМ: Коррупциялык кылмыштар үчүн катуу жаза каралган

Коррупция коом жана мамлекет үчүн олуттуу коркунучтардын бири бойдон калууда. Ал жарандардын мамлекеттик институттарга болгон ишенимин төмөндөтүп, адилеттүүлүк принцибин бузат жана өлкөнүн өнүгүүсүнө олуттуу зыян келтирет. Бул тууралуу ИИМдин басма сөз кызматы билдирди. Маалыматка ылайык, Кыргыз Республикасынын Кылмыш-жаза кодексине ылайык коррупциялык аракеттер үчүн катуу жоопкерчилик каралган. Тактап айтканда: * 336-берене (Коррупция)

Жети-Өгүздө 34 млн сомдук жер тилке мамлекетке кайтарылды

Жети-Өгүз районунун прокуратурасы тарабынан жер мыйзамдарынын аткарылышын текшерүү учурунда мыйзам бузуу фактылары аныкталды. Бул тууралуу Башкы прокуратурадан билдиришти. Текшерүүнүн жүрүшүндө Жети-Өгүз районуна караштуу Барскоон айыл өкмөтүндө жалпы аянты 0,20 гектар айыл чарба багытындагы жер тилкеси мыйзам бузуу менен жеке менчикке өтүп кеткендигибелгилүү болгон. Ошондой эле аталган жер тилкесине мыйзамсыз

Бишкекте 17-мартта айрым аймактарда ичүүчү суу өчүрүлөт

Бишкекте 17-мартта саат 09:00дөн 16:00гө чейин турак жай имараттарына, мектептерге, мектепке чейинки билим берүү мекемелерине, саламаттыкты сактоо мекемелерине жана башка социалдык жана өнөр жай объектилерине ичүүчү суу берүү токтотулат. Бул тууралуу муниципалитеттен билдиришти. Өчүрүү аймагы: Ч. Айтматов пр., 93/1; 93/2; 93/3; 93/4; 93/5;