Кара-Сууда селден жабыркаган жолдор тазаланып, каттам ачылды
Кара-Суу районунда 24-июнда кечки саат 21:20 чамасында катуу жааган жамгырдын кесепетинен сел жүрүп, Ынтымак айыл аймагындагы Жаңы-Арык – Кызыл-Суу унаа жолунун 19-чакырымынан тартып бир нече бөлүгү жабыркаган.
Транспорт жана коммуникациялар министрлиги берген маалыматка ылайык, жерине №45 Жол эксплуатациялоо мекемесинин атайын техникасы ыкчам тартылып, тазалоо иштери жүргүзүлдү. Натыйжада жолдогу эки тараптуу каттам толугу менен калыбына келтирилди.
Ошондой эле Кара-Сөгөт айыл аймагында да сел жүрүп, бул аймактагы унаа жолду калыбына келтирүү иштери жүрүп жатат.
