Чүйдө электр энергиясын камсыздоо үчүн 12 кошумча трансформатор орнотулду
Энергетика министрлигинин тапшырмасына ылайык, "Кыргызстан УЭТ" ААКнын Чүй электр тармактары ишканасы электр жабдууларынын ишенимдүүлүгүн жогорулатуу максатында Чүй облусунда кошумча трансформатордук көмөкчордондорду (ТКЧ) орнотту.
Атап айтканда, төмөнкү айылдарда ТКЧ орнотулду:
- Сокулук районунун Нижний-Чүй айылы – 1 даана,
- Ак-Ордо жаңы конушу – 4 даана,
- Панфилов району: Орто-Арык жана Панфилов айылы – ар бирине 1 даана,
- Кемин району, Алмалуу айылы – 1 даана,
- Кант шаары – 2 даана,
- Москва району, Ак-Суу айылы – 1 даана,
- Аламүдүн району, Лебединовка айылы – 1 даана.
Жалпы облус боюнча 12 даана кошумча трансформатордук көмөкчордондор орнотулду.
Бул иштер күз-кыш мезгилинде керектөөчүлөрдү туруктуу жана сапаттуу электр энергиясы менен камсыз кылуу, ошондой эле мүмкүн болгон авариялык абалдардын алдын алуу максатында жүргүзүлүүдө.
