Кыргыз түрк энергетика өкүлдөрү "Казарман ГЭС каскадын" курууну талкуулашты
Энергетика министри кечээ Таалайбек Ибраев "Орто Азия Инвестициялык Холдинги" ААКтын директорлор кеңешинин мүчөсү Гезер Селчук, башкармалыктын төрагасы Сур Мухаммет Халук, анын орун басары Тариель Эрмеев жана компаниянын бир катар өкүлдөрү менен жолукканын "Кабар" жазды.
Жолугушууда Казарман ГЭС каскадын куруу долбоорлорунун алдын ала техникалык-экономикалык негиздемесин даярдоо боюнча маселелер талкууланып, бет ачары көрсөтүлгөн.
Тараптар долбоорду ишке ашыруу боюнча мындан аркы кадамдарды, ошондой эле учурдагы инвестициялык макулдашуулардын алкагында координациялоо жана өз ара аракеттенүү маселелерин талкуулашты.
Таалайбек Ибраев бул долбоордун өлкөнүн гидроэнергетикалык потенциалын өнүктүрүү, энергетикалык коопсуздукту чыңдоо, энергетика тармагына чет элдик инвестицияларды тартуу үчүн стратегиялык маанисин баса белгилеп, аталган долбоор өз убагында ишке ашырылы керектигин билдирди.
Эскерте кетсек, 2025-жылы 2-августта "Казарман ГЭС каскадын куруу" долбоорун ишке ашыруу боюнча министрлер кабинети менен "Орто Азия Инвестициялык Холдинги" ААКтын ортосунда инвестициялык келишимдерге кол коюлган. "Орто Азия Инвестициялык Холдинги" ААК каскаддын 3 ГЭСин курат:
- Ала-Буга ГЭСи - 600 МВт;
- Кара-Булуң-1 ГЭСи -149 МВт;
- Кара-Булуң-2 ГЭСи -163 МВ.
Аталган келишимге ылайык инвестициянын болжолдуу көлөмү 3 млрд долларды түзөт. Долбоорлорду мамлекеттин финансылык катышуусуз инвестордун өздүк каражаттарынын эсебинен 100% ишке ашыруу каралууда.
