Көк-Арт РЭТи толугу менен жаңыланып, пайдаланууга берилди
Бүгүн энергетика министри Таалайбек Ибраев Жалал-Абад облусуна иш сапары менен барып, “КУЭТ” ААКнын филиалы — Жалал-Абад электр тармактар ишканасынакараштуу Көк-Арт РЭТинин жаңыланган имаратынын ачылышына катышты. Бул тууралуу Энергетика министрлигинен билдиришти.
Имарат 2025-жылдын март–ноябрь айларында капиталдык оңдоп-түзөөдөн өткөрүлүп, 112 кызматкергеылайыкталды. Долбоордун наркы 5,7 млн сомду түзүп, каражат “КУЭТ” ААКнын өздүк эсебинен каржыланды. Курулуш иштерин "Өмүр-Курулуш" ЖЧКсы аткарды.
Ачылышта министр Таалайбек Ибраев энергетика тармагын өнүктүрүүнүн негизги максаты генерацияны жогорулатуу экенин белгилеп, энергетиктер үчүн шарт түзүү жана калкка сапаттуу тейлөө көрсөтүү биринчи орунда турарын айтты.
Ошондой эле Жалал-Абад ЭТине калкты үзгүлтүксүз электр энергиясы менен камсыз кылуу максатында жаңы атайын техника тапшырылды.
Эске салсак, Көк-Арт РЭТинин имараты 1984-жылы курулуп, бүгүнкү күндө толугу менен заманбап талаптарга жооп берген шартка келтирилди.
