Нарында күз-кыш мезгилине карата даярдык башталды
Нарын шаарында күз-кыш жылытуу мезгилине жалпы 25 миң тонна көмүр отуну керектелет. Учурда “Кыргыз Көмүр” мамлекеттик ишканасы менен 4 ишкер Нарын шаарына көмүр тартып сатуу боюнча келишим түзүп, тартуу иштери башталды. Бул тууралуу Нарын шаардык мэриясынан билдиришти.
Маалыматка ылайык, учурда Нарын шаардык мэриясы тарабынан 4 муниципалдык көмүр сатуучу жайлар уюштурулуп, кышка толук кандуу даярдык көрүлүүдө.
Ошол эле учурда муниципалдык “Жылуулук берүү” ишканасына да 15 миң тонна көмүр отунун тартуу пландалууда.
Ал эми от казандарын, жылуулук тутумдарын оңдоо, жылуулук берүүнү үзгүлтүккө учуратпоо максатында альтернативалык жылуулук насосторун орнотуу боюнча аракеттер жүргүзүлдүүдө.
