Go Green Acceleration үч кыргызстандык ишканага 30 миң долларга чейин инвестиция берет
«Go Green Acceleration» программасынын алкагында үч кыргызстандык компания 30 миң долларга чейин инвестиция алышат. Бул тууралуу Улуу Британиянын элчилиги кабарлады.
Программа айлана-чөйрөгө жоопкерчиликтүү болгон, өлкөнүн экономикасынын өнүгүүсүнө жардам берген, «жашыл технологияларды» колдонгон ишкерлерге жардам берет.
Программа алдын ала тандалган 30 компанияны камтыйт. 7 жуманын ичинде алар окуудан өтүшөт жана инвестицияларга долбоорлорду даярдашат, андан кийин үч эн мыкты стартап каржылоо үчүн тандалып алынат.
«Go Green Acceleration» программасы Улуу Британия өкмөтү жана Ага Хан Фонду тарабынан каржыланган «Accelerating Women, Youth, and Green Entrepreneurs» (AWYGE) долбоорунун компоненти болуп саналат.
