"Ас-Сафа борбору" Талас районунда бир катар мекемелерди куруп берди
Жогорку Кеңештин депутаты Бактыбек Чойбеков Талас облусундагы иш сапарынын алкагында "Ас-Сафа борбору" коомдук бирикмесинин төрагасы шейх Мухаммад Аль-Шайя менен биргеликте бир катар мекемелердин ачылышына катышты. Бул тууралуу ЖКнын маалымат кызматы билдирди.
Алсак, Талас районунун Орто-Арык айылынын тургундары заманбап фельдшердик-акушердик пунктка муктаж болуп келишкен. Ошону менен бирге эле Талды-Булак жана Манас айылдарынын эли да жаңы мечит салуу өтүнүнүчү менен кайрылышкан.
Натыйжада "Ас-Сафа борбору" коомдук бирикмесинин көмөгү менен жаңы фельдшердик-акушердик пункт жана мечиттер салынып, пайдаланууга берилди.
Ачылыш аземинде демөөрчүлөргө ыраазычылыгын айткан эл өкүлү Бактыбек Чойбеков: “Биз жигердүү кызматташып, калк турмушун жакшыртууга багытталган долбоорлорду мындан ары да ийгиликтүү ишке ашыра беребиз” – деди. Мындан тышкары, депутаттык ишмердүүлүгүнүн алкагында ушундай иштерди дагы улантыларын кошумчалады.
