Асма жол куруу долбоору Австриялык компания менен талкууланууда
Бишкекте асма жол куруу долбоорунун келечегин Бишкек мэриясынын делегациясы Тбилисиде австриянын Doppelmayr компаниясынын өкүлдөрү менен талкуулашты. Бул тууралуу мэриядан билдиришти. Аталган компания грузиянын борборунда асма жолдордун ишке ашырылышына катышкан.
Жолугушуу Бишкек делегациясынын Тбилисиге болгон иш сапарынын алкагында өттү. Шаардын мэринин орун басары Рамиз Алиев, ошондой эле Тбилисинин мэриясынын орун басары Георгий Ткемаладзе менен жолугушту. Тараптар шаардык инфраструктура тармагын, коомдук унаа, шаардык чөйрөнү көрктөндүрүү тууралуу да талкуулашты.
Иш сапарда кыргыз делегациясы "Тбилиси-2026" иш-чарасына да катышты. Жолугушуунун жыйынтыгында тараптар тажрыйба алмашуу жана биргелешкен долбоорлору иштеп чыгууга даяр экендиктерин билдиришти.
