2023-жылдын 22-майынан тарта ата мекендик «Аэро Номад Эйрлайнс» авиакомпаниясы Ош – Красноярск – Ош багыты боюнча үзгүлтүксүз авиакаттамдарды аткара баштады. Бул тууралуу «МЭА» ААКнын маалымат кызматы билдирди.

Маалыматка ылайык, каттамдар Airbus A320 учагы менен жумасына 1 жолу – дүйшөмбү күндөрү аткарылат.

Биринчи авиакаттам менен Красноярскга 177 жүргүнчү учуп кетсе, 168 жүргүнчү Ошко учуп келди. Аталган багыт боюнча үзгүлтүксүз  каттамдарды жумасына 4 жолу башка авиакомпаниялар да аткарып келишет.

Ошондой эле, аталган авиакомпания Бишкек жана Ош шаарларынан төмөнкү багыттар боюнча үзгүлтүксүз жана чартердик каттамдарды аткарат: Москва, Новосибирск, Красноярск, Иркутск, Сургут, Дели, Лахор, Исламабад, Анталия.