Май айынан баштап кыргызстандыктар жаңыртылган тариф менен биринчи квитанцияларды алышат. Бул тууралуу «Улуттук электр тармагы» ишканасы маалымдайт.

Май айынын квитанциялары абонент лимиттин чегинен ашканына же ашпаганына жараша, эки же үч цифрадан турат. Биринчи – бул 2023-жылдын 1-майына чейин керектелген электр энергиясынын көлөмү, экинчи цифра – эсептешүү мезгили үчүн 700 кВт сааттан ашпаган 1-майдан баштап керектелген киловатт-сааттын саны.

Үчүнчү цифра лимиттен ашык керектелген электр энергиясынын көлөмүн билдирет.