Чүйдө прокуратуранын кызматкери 20 миң долларлык пара алып жаткан жеринен кармалды
Чүй облусунун прокуратурасынын бөлүмүнүн башкы адиси А.У.А. 20 миң долларын алып жаткан жеринен кармалды. Бул тууралуу УКМК билдирди.
Такталгандай, УКМК КР Башкы прокуратурасынын тергөө башкармалыгы менен биргеликте 2023-жылдын 23-июнунда 20 миң долларын алып жаткан жеринен Чүй облусунун прокуратурасынын бөлүмүнүн башкы адиси А.У.А. кармалган.
«Ал арыз ээсине карата жүргүзүлгөн текшерүүнүн материалдарынын негизинде кылмыш ишин козгобоо үчүн 50 миң доллары өлчөмүндө опузалап акча талап кылган», - деп мекеме белгиледи.
Ушул жылдын 24-июнунда кармалган кызматкер тергөө аяктаганга чейин КР УКМКнын тергөө абагына камалды.
