“Коопсуз өлкө”: Кыргызстанда 20 миңден ашык видеобайкоо камералары орнотулууда
Кыргызстанда коомдук коопсуздукту камсыз кылуу, кылмыштарды жана укук бузууларды ыкчам аныктоо, ошондой эле жол кыймылынын эрежелеринин сакталышын көзөмөлдөө максатында заманбап технологияларды колдонуу кеңейтилүүдө. Азыркы тапта “Коопсуз өлкө” долбоорунун алкагында өлкө боюнча 20 миңден ашык видеобайкоо камерасын орнотуу иштери жүрүп жатат. Бул тууралуу Ички иштер министрлигинин басма сөз кызматынан кабарлашты.
Маалыматка ылайык, видеобайкоо камералары президент Садыр Жапаровдун тапшырмасы менен ишке ашырылып жаткан “Коопсуз өлкө” долбоорунун алкагында орнотулууда. Долбоор коомдук тартипти сактоого, укук бузууларды аныктоого жана жол кыймылынын коопсуздугун көзөмөлдөөгө багытталган.
Ички иштер министрлигинин маалыматына караганда, ведомство заманбап технологияларды колдонуу менен кылмыштуулукту алдын алуу, жол коопсуздугун камсыз кылуу жана жарандардын коопсуздугун жогорулатуу боюнча иштерди улантууда.
“Коопсуз өлкө” долбоорунун алкагында видеобайкоо камераларынын орнотулушу коомдук тартипти көзөмөлдөөнүн техникалык мүмкүнчүлүктөрүн кеңейтүүгө багытталган.
