Коом

Энергетика министри күз-кыш мезгилине өз убагында даяр болуш керектигин талап кылды

Сапар Акунбеков

11 июля 2023 10:20

Энергетика министри Таалайбек Ибраев жана ЖКнын депутаты Сулайманов Кундузбек иш сапарлары менен түштүк ГЭСтеринде болуп, алдыдагы күз-кыш мезгилине өз убагында жана сапаттуу даярдык көрүүнү тапшырышты. Бул тууралуу министрлик маалымдады.

Иш сапардын жүрүшүндө аткаминерлер Токтогул ГЭСинин №2 гидроагрегатын реконструкциялоонун жүрүшү жана Камбар-Ата 1 ГЭСинин курулушуна инфраструктураны даярдоонун жүрүшү, ошондой эле компаниянын объектилерин алдыдагы күз-кыш мезгилине даярдоосу менен таанышты.

Тактап айтканда, №2 курулушу бүтө элек транспорттук тоннелдин жана Бишкек-Ош унаа жолунун Камбар-Ата ГЭСинин №2 уячасына чейинки курулушунун жүрүшү менен таанышып, министр тоннелдин курулушун сапат стандарттарын жана мөөнөттөрүн сактоо менен тездетүүнү тапшырды.

Нарын дарыясы аркылуу өтүүчү көпүрөнүн курулушу менен таанышып, Камбар-Ата ГЭСинин №1 уячасынын аймагындагы оң жана сол жээктердеги иштерди тез арада баштоону тапшырышты.

№2 гидроагрегатынын реконструкциясынын жүрүшү менен таанышуу максатында министр Токтогул ГЭСине барды. Иш сапардын жыйынтыгында «Электр станциялары» ААКга аткарылган иштердин сапатын дыкат көзөмөлгө алуу жана реабилитациялык иштердин шарттарын сактоо тапшырылды.

Иш сапардын алкагында ЖКнын депутаты К.Сулайманов жана энергетика министри Т.Ибраев Токтогул ГЭСинин жана Камбар-Ата ГЭСинин 2 административдик имаратында да болушту. Жолугушууда ага негизги техникалык көрсөткүчтөр жана пландар тууралуу маалымат берилди.

Андан ары, министр Шамалды-Сай ГЭСинин абалы, №1 гидроагрегатты оңдоонун (капиталдык оңдоо) жүрүшү менен таанышты.

Ошондой эле, министр Таалайбек Ибраев ГЭСтин учурдагы оңдоо иштери жана КТКГЭС филиалынын өздүк курамынын санитардык-турмуштук абалы менен таанышты. Ошону менен бирге ал Үч-Коргон ГЭСинин станок-станциясынын асма кранын калыбына келтирүү иштерин текшерди.

Жумуш сапарынын соңунда, КР Энергетика министри Т.Ибраев алдыдагы күз-кыш мезгилине өз убагында жана сапаттуу даярдык көрүүнүн маанилүүлүгүн белгиледи.

Мындан тышкары окуңуз

Ысык-Көлдөн 1700 метр балык уулоочу тор чыгарылды

Бүгүн суучулдар Түп булуңунан 1700 метр узундуктагы балык уулоочу эски торлорду чыгарышты. Бул тууралуу Өзгөчө кырдаалдар министрлигинен билдиришти. Маалыматка ылайык, суучулдар ӨКМдин "Мөлтүр" кемесине түнөп, көлдү тазалоо иштерин үзгүлтүксүз жүргүзүүдө. Белгиленгендей, Ысык-Көл акыркы 4 жылдан бери таштанды жана балык уулоочу торлордон тазаланууда.

Жыргалаңда “Ала-Тоо Резорт” долбоорунун жүрүшү талкууланды

Жыргалаң айылында “Ала-Тоо Резорт” бардык сезондогу тоо-кластери мамлекеттик долбоорун ишке ашыруу маселелери боюнча көчмө жыйын өттү. Жыйын Президенттин Администрациясынын Жетекчисинин орун басары Азамат Кадыралиевдин төрагалыгы астында уюштурулду. Бул тууралуу Айыл чарба министрлигинен билдиришти. Иш-чарага суу ресурстары, айыл чарба жана кайра иштетүү өнөр жайы министринин орун басары Рустам Балтабаев, министрликтин кызматкерлери

Эрлист Акунбеков “Джунда” заводундагы модернизация иштери менен таанышты

Суу ресурстары, айыл чарба жана кайра иштетүү өнөр жайы министри Эрлист Акунбеков Кара-Балта шаарындагы “Джунда” Чайна Петроль Компани” жабык акционердик коомуна таандык мунайды кайра иштетүүчү заводуна барып, модернизациялоо иштеринин жүрүшү менен таанышып көчмө жыйын өткөрдү. Бул тууралуу Өкмөттүн Басма сөз кызматынан билдиришти. Отурумга тиешелүү мамлекеттик органдардын башчылары, заводдун жетекчилиги жана

Бишкекте 9-майдан тарта ысык суу бериле баштайт

“Бишкекжылуулуктармагы” муниципалдык ишканасы шаарды ысык суу менен камсыздоо үчүн колдонулган жылуулук тармактарындагы оңдоо жана калыбына келтирүү иштери аяктаганын билдирди. Маалыматка ылайык, 8-майда адистер системаны муздак суу менен этап-этабы менен толтурууну жана ысык суу берүү процессине даярдык иштерин башташат. Ал эми Бишкек ЖЭБи керектөөчүлөргө ысык сууну 9-майдан тарта бере баштайт. Алгач