Нарын облусундагы Ача-Кайыңды-Калинин унаа жолуна асфальт төшөлүүдө
Нарын облусундагы Ача-Кайыңды-Калинин унаа жолуна асфальт төшөлүүдө. Бул тууралуу Транспорт жана коммуникациялар министрлигинин маалымат кызматы билдирди.
Жеринде «Кыргызавтожол» мамлекеттик ишканасынын №957 Жол тейлөө мекемесинин кызматкерлери жана атайын тартылган техникалар иштеп жатышат.
Быйыл жалпы 14 чакырымды түзгөн Ача-Кайыңды-Калинин унаа жолунун 3 чакырымын асфальттоо каралган. Жумуштар июнь айында башталып, алгач жер иштери жүргөн. Азыркы тапта асфальт төшөө жумуштары башталып, 300 метрдей жол жасалды.
Бул жерде иштер жыйынтыкталган соң, Калинин-Жаңы-Күч айылдарынын ортосуна (3 чакырым) асфальт төшөө жумуштары башталат.
