Ош шаарынын казынасы 7,5 млрд сомго жетти
Ош шаарында салыктык түшүүлөр 1 млрд 683 млн сомду түзүп, өткөн жылдын ушул мезгилине салыштырмалуу 505 млн сомго көбөйдү. Бул тууралуу Салык кызматкерлеринин күнүнө карата өткөн иш-чарада калаа башчысы Жанар Акаев билдирди.
Маалыматка ылайык, акыркы эки жылда Ош шаарынын жергиликтүү бюджети 2 эсеге өсүп, 2026-жылга карата трансферттер менен бирге 7,5 млрд сомго жеткен.
Жанар Акаевдин айтымында, пилоттук долбоордун алкагында салыктык түшүүлөрдүн бир бөлүгү түздөн-түз шаар казынасына багытталып, бул шаарды өнүктүрүүгө кошумча мүмкүнчүлүктөрдү түзүүдө.
