Коом

Баткен-Боз-Адыр унаа жолуна асфальт төшөлүүдө – Транспорт министрлиги

Сапар Акунбеков

08 авг. 2023 12:10

Баткен-Боз-Адыр унаа жолуна асфальт төшөө иштери башталды. Бул тууралуу Транспорт министрлиги билдирди.

Маалыматка ылайык, Баткен районуна караган бул жолдо «Кыргызавтожол» мамлекеттик ишканасынын №2 Жол тейлөө мекемесинин кызматкерлери жана атайын тартылган техникалар иштеп жатышат.

Быйыл Ош-Баткен-Раззаков унаа жолунун (эски багыт) 195-207-чакырым аралыгын (Баткен-Боз-Адыр унаа жолу), жалпы 12 чакырымды асфальттоо каралган. Жумуштар июль айынын башында башталып, алгач жер иштери жүргөн. Азыркы тапта асфальт төшөө жумуштары жүрүп, 700 метрдей жол жасалды.

Ошондой эле жолдун суу жеп кеткен жерлери оңдолуп, кеңейтүү иштери жүрдү.

Мындан тышкары окуңуз

Манас шаарындагы мектепке 375 орундуу жаңы корпус курулууда

Манас шаарындагы мектепке 375 орундуу жаңы корпус курулууда

Президент Садыр Жапаровдун тапшырмасына ылайык, Курулуш министрлиги Манас шаарынын Достук муниципалдык конушундагы Б. Осмонов атындагы мектепке 375 орундуу кошумча корпус куруп жатат. Ведомствонун маалыматына ылайык, долбоор мамлекеттик бюджеттин эсебинен каржыланып, курулуш иштерин жыл аягына чейин бүтүрүү пландалууда. Жаңы имарат 3 кабаттан туруп, жалпы аянты 2478 чарчы метрди түзөт. Кошумча корпуста

Кыргызстанда МЖӨ долбоорлорунун көлөмү 456 млрд сомдон ашты

Кыргызстанда МЖӨ долбоорлорунун көлөмү 456 млрд сомдон ашты

Инвестициялар боюнча улуттук агенттиктин алдындагы Мамлекеттик-жеке өнөктөштүк борборунун долбоордук портфели туруктуу өсүштү көрсөтүп, жалпы инвестиция көлөмү 456 млрд сомдон ашкан 90дон ашык демилгени камтыйт. Агенттиктин маалыматына ылайык, алардын ичинен 67 долбоор активдүү ишке ашыруу стадиясында болсо, 23 долбоор деталдуу даярдоо баскычында турат. 2026-жылдын башынан тартып жалпы суммасы 1 млрд сомдон

Мамлекеттик кызматкерлер эми костюмдун ордуна улуттук кийимдин үлгүсүнө өтүшү мүмкүн

Мамлекеттик кызматкерлер эми костюмдун ордуна улуттук кийимдин үлгүсүнө өтүшү мүмкүн

Мамлекеттик кызматкерлер үчүн күндүн ысык мезгилинде галстук жана костюмсуз иштөөгө уруксат берген токтом чыгарылды. Бул чечим, биринчиден, кызматкерлер үчүн ыңгайлуулукту камсыз кылууга, экинчиден, электр энергиясын үнөмдөөгө багытталган. Мындай билдирүүнү, Министрлер кабинетинин төрагасы Адылбек Касымалиев бүгүн жыйындын жүрүшүндө билдирди. Анын айтымында, мындай сунуштун башкы максаты - электр энергиясын үнөмдөө болуп саналат

Караколдогу тарых музейи 159 млн сомго оңдолууда

Караколдогу тарых музейи 159 млн сомго оңдолууда

Курулуш министрлиги тарабынан Каракол шаарындагы тарых музейи толук реконструкциядан өткөрүлүүдө. Долбоор республикалык бюджеттин эсебинен каржыланып, жалпы наркы 159 миллион сомду түзөт. Бул тууралуу Курулуш министрлигинин басма сөз кызматы билдирди. Маалыматка карганда, музейди жаңылоо иштери “Кыргызкурулуш” МИ тарабынан жүргүзүлүүдө. Учурда объектте демонтаждоо иштери толук аяктап, оңдоо жана калыбына келтирүү иштери аткарылууда.