Коом

Бишкектин автобустарында валидаторлор иштебесе жүргүнчү бекер жүрүүгө укуктуу – мэрия

Чынгыз Керимбеков

30 авг. 2023 16:40

Бишкекте жол кире акысын накталай кабыл алган автобус жана троллейбус айдоочуларына (иштен бошотууга чейин) катаал чаралар көрүлөт. Бул тууралуу шаардык мэриясы билдирди.

Учурда жүргүнчүлөр жол кирени Тулпар транспорттук карталары, Виза, Элкарт банк карталары, ошондой эле «Mbank», «MegaPay», «Balance» мобилдик тиркемелери менен төлөй алышат. Эгерде валидатор автобуста же троллейбуста иштебесе, анда жүргүнчү бекер жүрүүгө укуктуу.

Айдоочулар жол кире үчүн накталай эмес төлөмдү кабыл албай жатканына күбө болгон жүргүнчүлөргө 0502 205-202 номуру аркылуу кайрылууңуздарды суранабыз. Кайрылууда эреже бузуунун датасы жана убактысы, каттамдын номери, транспорт каражатынын мамлекеттик номери көрсөтүлүшү керек.

Эске салсак, 2023-жылдын 20-августунан тарта борбор калаада муниципалдык коомдук транспортто жүрүү акысын накталай төлөөгө тыюу салынган. Бирок жүргүнчүлөр муниципалдык каттамдардын айдоочулары накталай төлөм алып жатканын, транспорт же банк картасы же валидатор иштебей калганын, андан кийин накталай акча менен төлөөнү сунуштап жатышканын байма-бай билдиришет, бирок бул мыйзамдуу эмес!

Автобус жана троллейбус айдоочуларына карата жол кирени накталай кабыл алуу үчүн катуу чаралар көрүлөт (иштен бошотулганга чейин).

Мындан тышкары окуңуз

Инфляция 8,3%га жетти: негизги фактор азык-түлүк бааларынын өсүшү

2025-жылдын ноябрында Кыргызстанда инфляция 8,3%га жетти. Бул көрсөткүч мурунку жылдын декабрына салыштырмалуу керектөө бааларынын индекси 108,3%га жеткенин билдирет. Орточо жылдык инфляция 108,1%га түзүлдү. Бул тууралуу Экономика жана коммерция министрлигинен билдиришти. Баалардын өсүшүнө негизги салымды азык-түлүк товарлары кошту. Алардын баалары орточо 8,9%га жогорулап,

Балык чарбасында санариптик көзөмөл системасы ишке кирүүдө

Суу ресурстары, айыл чарба жана кайра иштетүү өнөр жайы министрлиги балык чарбасын жана аквакультураны санариптик көзөмөлдөө системасын этап-этабы менен ишке киргизүүдө. Бул система балык продукциясын өндүрүүдөн баштап сатууга чейин толук көзөмөлдөөнү камсыз кылат. Министрликтин маалыматына ылайык, учурда балыктын икрасынан баштап чабактардын жана ири балыктын кыймылы мониторингден өтүп, балык продукциясынын кыймылы

ӨКМ: Акыркы 5 жылда кырсыктардан келтирилген чыгым 25 млрд сомдон ашты

Өлкөдө акыркы 5 жыл ичинде 18 693 өрт катталып, 248 адам каза болгон. Жалпысынан бул мезгил аралыгында өлкөдө өзгөчө кырдаалдардан, өрт жана башка кырсыктардан келтирилген материалдык чыгым 25 миллиард сомдон ашты. Бул тууралуу Өзгөчө кырдаалдар минисрлигинен билдиришти. Ошол эле учурда акыркы беш жылда Өзгөчө кырдаалдар министрлигинин куткаруучулары тарабынан 1 664дөн

Жыл башынан бери кыргызстандыктар 477,7 млрд сом насыя алышкан

Жыл башынан бери банк секторунун кардарларынын кредит портфелинин көлөмү 40,2%га өсүү менен 477,7 млрд сомду түздү. Бул тууралуу Улуттук банктан билдиришти. Маалыматка ылайык, финансылык жөнгө салуучу органдын маалыматына караганда, банк секторунун суммардык активдери 38% өсүү менен 1 125,2 млрд сомду, ал эми кардарлардын жалпы депозиттик базасы