Өткөн жылы 456 кыргызстандыктын сөөгүн алып келүүгө 53 млн сом жумшалган

Өткөн жылы 456 кыргызстандыктын сөөгүн алып келүүгө 53 млн сом жумшалган

2025-жылы чет мамлекеттерде каза болгон 456 кыргызстандыктын сөөгү мекенине жеткирилгенин Жогорку Кеңештин илим, билим берүү, инновациялык өнүгүү жана маалыматтык технологиялар, маданият, спорт жана жаштар иштери боюнча комитетинин жыйынында эмгек, социалдык камсыздоо жана миграция министринин орун басары Бакыт Дарманкул уулу билдирди.

Анын айтымында, бул максатка 53 миллион сом жумшалган.

"Бизде атайын бюджет бар, Финансы министрлиги жыл сайын каражат бөлөт. Мисалы, Орусиядан сөөктү алып келүү 70 миң рубль турат, АКШдан — 8 миң доллар. Ар бир өлкө боюнча баа учак билеттеринин наркына жараша өзгөрөт. Мурда чет жерде каза болгон жарандарыбыз үчүн каражатты диаспоралар чогултчу. Азыр жарандар бизге кайрылса, бир күндүн ичинде акча которуп бере алабыз", — деди ал.

Өз кезегинде депутат Болот Сагынаев айрым өлкөлөрдүн элчиликтери өз жарандары каза болгон учурда көрүстөндөн жер тилкесин бөлүү боюнча чет мамлекеттер менен алдын ала келишим түзөрүн белгиледи. Ал Кыргызстандын Тышкы иштер министрлигин да бул маселе боюнча тиешелүү сүйлөшүүлөрдү жүргүзүүгө чакырды.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Транспорт

Акыркы жаңылыктар

Баары

Жеңиш чокусунда калган Наталия: Аварияга учураган тик учактын чыгымы төлөндү

Кыргызстан менен Пакистан товар жүгүртүүнүн көлөмүн көбөйтүү боюнча талкуулашты

Бишкектеги бир катар үйлөрдө жылуулук жана ысык суу өчүрүлдү

Өлкөдө асыл тукум статусуна ээ болгон чарбаларга мониторинг жүргүзүлөт

2027-жылы республикалык бюджеттин көлөмү 1 трлн сомдон ашат