Нарын облусу 2 гис маалымат сервисине кошулду
![Нарын облусу 2 гис маалымат сервисине кошулду](/content/images/size/w1200/2023/09/c_kokonis_3.jpg)
2023-жылдын 1-сентябрынан баштап Нарын облусу 2 ГИС маалымат сервисине кошулду. Бул тууралуу президенттин Нарын облусундагы ыйгарым укуктуу өкүлүнүн басма сөз кызматы билдирди.
Такталгандай, мындан ары уюлдук телефонубузга 2 ГИС мобилдик тиркемесин көчүрүп алуу менен Нарын облусунун картасын ачып, издеген дарегди навигатор менен тапканга мүмкүн бар.
Долбоор өкүлчүлүктүн аппаратынын реформалар, санариптик өнүктүрүү жана креативдүү экономика башкармалыгынын кызматкерлери менен 2 ГИС компаниясынын өкүлдөрүнүн тыгыз иш алып баруусунун натыйжасында 4 айда ишке ашырылды.
Нарын облусунун маалымат сервиси 1-сентябрдан баштап толугу менен ишке кирди. Картада облустагы бардык даректер, обьектилер, туристтик жайлар, транспорт каттамдары, жол чийиндери, жол белгилеринен бери камтылды. Жумуш көлөмдүү болгонуна карабай аз убакытта натыйжалуу бүткөрүлдү.
![](https://im.kg/content/images/2023/09/370358942_1056676332410463_8433616923451428319_n.jpg)
![](https://im.kg/content/images/2023/09/374632177_1056676339077129_5195989868112543136_n.jpg)
![](https://im.kg/content/images/2023/09/374636488_1056676325743797_4503416106781580056_n.jpg)