Бишкектин мэриясы жүргүнчүлөргө «Тулпар» картасын сатып алууну сунуштады
20-августтан тарта Бишкектин коомдук муниципалдык транспортунда накталай төлөмдөр алынып салынгандыктан, мэрия жүргүнчүлөргө «Тулпар» картасын сатып алууну сунуштады.
Маалыматка ылайык, жарандар төмөнкү жолдор менен төлөй алышат:
• үч категориядагы Тулпар транспорттук карталары (стандарттык, мектептик, жеңилдетилген);
• Кыргызстандын бардык банктарынын VISA жана ЭЛКАРТ контактсыз карталары;
• виртуалдуу NFC картасы;
• Тулпар жана Balance тиркемесинде QR сканерлөө;
• Тулпар тиркемесинде транспорттук кодду киргизүү менен.
