Коом

Кыргызстан менен Латвия эл аралык автомобилдик ташуулар маселелерин талкуулашты

Сапар Акунбеков

20 сен 2023 15:00

Транспорт жана коммуникациялар министрлигинин өкүлдөрү Латвиянын Байланыш министрлиги менен автотранспорт маселелери талкуулашты. Бул тууралуу мекеме билдирди.

Такталгандай, 1997-жылдын 11-апрелинде Бишкек шаарында кол коюлган Эл аралык автомобилдик байланыш жөнүндө КРнын өкмөтү менен Латвиянын өкмөтүнүн ортосундагы макулдашуунун алкагында эл аралык автомобилдик ташуулар маселелери боюнча эки өлкөнүн аралаш комиссиясынын отуруму болуп өттү.

Отурумда тараптар Кыргыз Республикасы менен Латвия Республикасынын ортосунда 2022-жылдын жана 2023-жылдын 8 айынын аралыгында автомобиль транспорту менен эл аралык жүк ташуулардын абалы жана өнүгүүсү тууралуу маалымат алмашышты.

Талкуунун жүрүшүндө тараптар 2022-2023-жылдар аралыгында эки тараптуу жана транзиттик багытта, ошондой эле үчүнчү өлкөлөргө карай жүк ташууга уруксат бланктарын колдонуу менен эки өлкөнүн ортосунда автомобиль транспорту менен жүк ташуулардын көлөмү жогорулагандыгын белгилешти.

Кыргыз тарап эки тараптуу жана транзиттик багытта жүк ташуунун өсүшүн эске алуу менен аралаш комиссиянын кароосуна «Кыргыз Республикасы менен Латвия Республикасынын ортосунда автомобиль транспорту менен эки тараптуу жана транзиттик жүк ташууга уруксат берүү системасын жокко чыгаруу жөнүндө колдонуудагы макулдашууга өзгөртүүлөрдү киргизүү жолу менен жүктөрдү эки тараптуу жана транзиттик ташууларды либералдаштыруу жөнүндө Протоколдун» долбоорун киргизди.

Сүйлөшүүлөр жылуу маанайда, конструктивдүү жагдайда жыйынтыкталды. Тараптар автомобилдик ташуулар жаатындагы эки тараптуу маселелерди бетме-бет жана онлайн форматта талкуулоону, ошондой эле 2024-жылы Кыргызстан-Латвия аралаш комиссиясынын кезектеги жыйынын Латвия Республикасында өткөрүүнү макулдашышты.

Мындан тышкары окуңуз

Ош шаарында жылуулук мезгилине даярдык жүрүүдө

Ош шаарында кышка даярдык өз убагында жүрүүдө. Учурда кампаларга 30 миң тоннага жакын көмүр түшүрүлдү. Бул тууралуу мэриянын басма сөз кызматы билдирди. Маалыматка караганда, тургундар көмүрдү 35 муниципалдык сатуу жайынан ала алат. Баасы маркасына жараша 4 сомдон 9 сомго чейин. Көмүр Ноокат, Кара-Суу, Алай райондорунан жана Нарын облусунан ташылууда.

Ботаникалык бакчанын жетекчилигине 17 миң сом айып салынды

Бишкек шаарындагы Э.Н. Гареева атындагы ботаникалык бакчада экологиялык талаптардын бузулушу аныкталды. Бул тууралуу Жаратылыш ресуртары министрлиги билдирди. Маалыматка ылайык, министрликке караштуу Экологиялык жана техникалык көзөмөл кызматынын текшерүүсүндө тиричилик жана курулуш калдыктары атайын эмес жерге төгүлүп, санитардык абалга зыян келтиргени белгилүү болду. Мыйзам бузуу боюнча протокол түзүлүп, администрацияга 17 000

Кыргызстанда кант боюнча убактылуу импорттук чектөө киргизүү сунушталууда

Өлкөдө кант боюнча убактылуу импорттук чектөө киргизүү сунушталууда. 2026-2027-жылга кант өндүрүүнүн планы - 79 миң тонна. Бул тууралуу Кумшекер класстеринин башчысы Алмаз Алтыбаев билдирди. Маалыматка ылайык, учурда өлкөдө дагы 25 миң тоннага жакын запас бар. Ошентип, өндүрүш менен запасты кошкондо, жалпы көлөм 104 миң тонна болуп, бул 2027-жылдын

КМШга мүчө мамлекеттердин улуттук тамак-аштарынын фестивалы болду

Президент Садыр Жапаров кече Авазада өтүп жаткан Көз карандысыз Мамлекеттер Шериктештигине мүчө мамлекеттердин улуттук тамак-аштарынын фестивалына барды. Мамлекет башчысы Казакстан, Тажикстан, Түркмөнстан, Өзбекстан, Азербайжан, Беларус Республикасынын президенттери жана Армения Республикасынын Премьер-министри менен биргеликте Шериктештикке мүчө мамлекеттердин элдеринин улуттук ашканасы, салттары жана маданий мурастары менен таанышып чыгышты. Лидерлерге Кыргызстан,