Коом

Талас шаарында ун баалары туруктуу – Антимонополия

Сапар Акунбеков

26 сент. 2023 10:35

Монополияга каршы жөнгө салуу кызматынын Талас облустук бөлүмү 2023-жылдын 25 – сентябрь күнү Таластын борбордук базарларда жана соода түйүндөрүндөрдөгү социалдык маанидеги товарларга, анын ичинде унга жана нанга болгон бааларга мониторинг жүргүздү. Бул тууралуу мекеменин маалымат кызматы билдирди.

Эске сала кетсек, 2023 – жылдын 14-сентябрынан тарта, Талас облусунда Казакстан Республикасынан ташылып келинүүчү ундун баасы жогорулагандыгы байкалган. Ушуга байланыштуу жергиликтүү айрым набайканаларда нандын баасы 2 сомго кымбаттаганы аныкталды. Набайчылардын айтымында, жергиликтүү ундун илешкек жөндөмү төмөн келип, тандырга колдонууга жараксыз болуп импорттук унду колдонууга туура келет.

Учурда Талас гаарында ундун запастарына таңкыстык жок. Ун сатылуучу чекене соода жайларында ун жетиштүү көлөмдө.

Белгилей кетсек, Талас облусунун калкынын көпчүлүк пайызы Казахстан уну менен камсыз болушат. Талас облусунда буудайды кайра иштеп чыгуучу тегирмендер жоктугуна байланыштуу, ундар Бишкек жана Тараз шаарынан (Казахстан) ишкерлер тарабынан алынып келинет.

Талас облустук бөлүм тарабынан ишкерлик субъектилерине ундун жана нандын бааларын негизсиз көтөрбөө жана атаандаштык чөйрөсүндө тең салмактуулукту сактоо тууралуу превентивдүү иштер уланууда.

Мындан тышкары окуңуз

ӨКМ: 10-12-май күндөрү сел жүрүү коркунучу бар

10-майдан 12-майга чейин республиканын тоолуу жана тоо этектериндеги аймактарында туруксуз аба ырайы күтүлөт. Бул тууралуу Өзгөчө кырдаалдар министрлиги шашылыш билдирүү таратты. Маалыматка ылайык, нөшөрлүү жаан-чачынга байланыштуу дарыяларда суунун деңгээли көтөрүлүп, сел жүрүшү мүмкүн. Буга байланыштуу ӨКМ жарандарды майрам жана эс алуу күндөрү коопсуздук эрежелерин сактоого чакырат. Айрыкча тоолуу жана тоо

Бишкекте Жеңиштин 81 жылдыгына арналган митинг-реквием өтүүдө

Бүгүн Бишкек шаарындагы Жеңиш аянтында Улуу Ата Мекендик согуштагы Жеңиштин 81 жылдыгына арналган митинг-реквием өтүүдө. Иш-чарага президент Садыр Жапаров катышып, Өчпөс отко гүлчамбар койду. Ошондой эле мамлекет башчысы Улуу Ата Мекендик согушта курман болгондорду эскерип, алардын элесине таазим кылды. Өлкө башчы согуштун жана ооруктун ардагерлерин, ошондой эле жалпы кыргызстандыктарды 9-Май

Ошто №4 мектеп-гимназиясына кошумча окуу имараты курулат

Күн мурун Ош шаарындагы №4 С.М. Киров атындагы мектеп-гимназиясы үчүн 200 орундуу кошумча окуу имаратынын курулушуна капсула салуу аземи болуп өттү. Мэриядан билдиришкендей, иш-чарага Ош шаарынын мэри Жанарбек Акаев, шаардык кеңештин депутаттары, билим берүү тармагынын өкүлдөрү, мугалимдер жана ата-энелер катышты. Жаңы окуу корпусу окуучулар үчүн заманбап шарттарды түзүүгө жана

Ысык-Көлдөн 1700 метр балык уулоочу тор чыгарылды

Бүгүн суучулдар Түп булуңунан 1700 метр узундуктагы балык уулоочу эски торлорду чыгарышты. Бул тууралуу Өзгөчө кырдаалдар министрлигинен билдиришти. Маалыматка ылайык, суучулдар ӨКМдин "Мөлтүр" кемесине түнөп, көлдү тазалоо иштерин үзгүлтүксүз жүргүзүүдө. Белгиленгендей, Ысык-Көл акыркы 4 жылдан бери таштанды жана балык уулоочу торлордон тазаланууда.