Коом

Депутаттар Тогуз-Торонун мектептериндеги ысык тамактын уюштурулушу менен таанышты

Сапар Акунбеков

13 окт. 2023 16:00

Жогорку Кеңештин социалдык саясат боюнча комитетинин депутаттары Винера Раимбачаева, Аида Исатбек кызы менен Эрулан Кокулов Тогуз-Торо районуна болгон иш сапарынын алкагында райондогу Ы.Кадыркулов атындагы жана Дөдөмөл айылындагы №10 мектептерде ысык тамактын уюштурулушу менен таанышты. Бул тууралуу парламент билдирди.

Депутаттар Дөдөмөл айылындагы бала бакчанын имаратынын абалы менен таанышты. Белгилей кетсек, бала бакчага ФАПтын эски имараты бөлүнүп берилген, ал 2 бөлмөдөн турат жана мектепке чейинки билим берүү мекемеси үчүн белгиленген талаптарга жооп бербейт. Уктоочу жай жок, коридордо ашкана уюштурулган.

Мындан тышкары, депутаттар Ы.Кадыркулов атындагы жана Дөдөмөл айылындагы №10 мектептердеги ысык тамактын уюштурулушу менен таанышты. Алар Дөдөмөл айылына бала бакча менен мектептин курулушун титулдук баракчага киргизүүнү кароо керектигин белгилешти.

Муну менен катар депутаттар Таштемир Сатыбалдиев атындагы мектептеги окуу процесси менен таанышты. Эл өкүлдөрү менен болгон жолугушууда аталган билим берүү жайларынын директорлору мектептерди окуу материалдары, анын ичинде географиялык карталар, көрсөтмө жана башка каражаттар менен камсыздоо зарылдыгын айтышты

Мындан тышкары окуңуз

ӨКМ: 10-12-май күндөрү сел жүрүү коркунучу бар

10-майдан 12-майга чейин республиканын тоолуу жана тоо этектериндеги аймактарында туруксуз аба ырайы күтүлөт. Бул тууралуу Өзгөчө кырдаалдар министрлиги шашылыш билдирүү таратты. Маалыматка ылайык, нөшөрлүү жаан-чачынга байланыштуу дарыяларда суунун деңгээли көтөрүлүп, сел жүрүшү мүмкүн. Буга байланыштуу ӨКМ жарандарды майрам жана эс алуу күндөрү коопсуздук эрежелерин сактоого чакырат. Айрыкча тоолуу жана тоо

Бишкекте Жеңиштин 81 жылдыгына арналган митинг-реквием өтүүдө

Бүгүн Бишкек шаарындагы Жеңиш аянтында Улуу Ата Мекендик согуштагы Жеңиштин 81 жылдыгына арналган митинг-реквием өтүүдө. Иш-чарага президент Садыр Жапаров катышып, Өчпөс отко гүлчамбар койду. Ошондой эле мамлекет башчысы Улуу Ата Мекендик согушта курман болгондорду эскерип, алардын элесине таазим кылды. Өлкө башчы согуштун жана ооруктун ардагерлерин, ошондой эле жалпы кыргызстандыктарды 9-Май

Ошто №4 мектеп-гимназиясына кошумча окуу имараты курулат

Күн мурун Ош шаарындагы №4 С.М. Киров атындагы мектеп-гимназиясы үчүн 200 орундуу кошумча окуу имаратынын курулушуна капсула салуу аземи болуп өттү. Мэриядан билдиришкендей, иш-чарага Ош шаарынын мэри Жанарбек Акаев, шаардык кеңештин депутаттары, билим берүү тармагынын өкүлдөрү, мугалимдер жана ата-энелер катышты. Жаңы окуу корпусу окуучулар үчүн заманбап шарттарды түзүүгө жана

Ысык-Көлдөн 1700 метр балык уулоочу тор чыгарылды

Бүгүн суучулдар Түп булуңунан 1700 метр узундуктагы балык уулоочу эски торлорду чыгарышты. Бул тууралуу Өзгөчө кырдаалдар министрлигинен билдиришти. Маалыматка ылайык, суучулдар ӨКМдин "Мөлтүр" кемесине түнөп, көлдү тазалоо иштерин үзгүлтүксүз жүргүзүүдө. Белгиленгендей, Ысык-Көл акыркы 4 жылдан бери таштанды жана балык уулоочу торлордон тазаланууда.