Коом

Базар-Коргондо нан менен көмүр баасына көзөмөл жүргүзүлдү

Чынгыз Керимбеков

02 нояб. 2023 12:06

Монополияга каршы жөнгө салуу кызматы Базар-Коргон районундагы социалдык жактан маанилүү болгон товарларга анын ичинен 1-сорттогу буудай унунан жазалган нан азыктарына (бөлкө нан) жана тандыр нанга жана көмүрдүн бааларына биргелешкен мониторинг жүргүздү. Бул тууралуу мекеме билдирди.

Учурда Базар-Коргон шаарынын борбордук базарындагы нан сатуучу жайлардагы нандын баалары белгиленген баага салыштырмалуу туруктуу. Ошону менен катар нан сатуучуларга бааларды негизсиз жогорулатпоо боюнча түшүндүрүү иштери жүргүзүлдү.

Ушундай эле иш-чара Базар-Коргон шаарынын А.Текебаев көчөсүндө уланып, аталган жердеги бөлкө нан бышыруучу жеке ишкер К.Иманакунова 380гр бөлкө нанын дүң баада 24.00 сомдон сатып жаткандыгы, белгиленген баадан 2.60 сомго жогору сатып жаткандыгы аныкталып, бөлүм тарабынан аталган укук бузууну жоюу максатында жазма эскертүү берилди.

Андан кийинки биргелешкен мониторинг Базар-Коргон шаарынын Ленин көчөсүндө жайгашкан “Юрта” азык-түлүк сатуучу түйүнүндө уланып, мониторингдин жыйынтыгында 412гр бөлкө нанынын чекене баасы 29.00 сомдон сатылып жаткандыгы аныкталып, белгиленген баадан 2.30 сомго жогору сатканы үчүн жеке ишкер М.Сатыбалдиевага бөлүм тарабынан жазма эскертүү берилди.

Базар-Коргон шаарынын Ленин көчөсү менен Ж.Аттокуров көчөлөрүнүн кесилишиндеги көмүр сатуучу жайлардагы көмүрдүн бааларына мониторинг жүргүзүлүп, жергиликтүү көмүрдүн баасын белгиленген баадан 20 тыйынга жогору сатып жаткан учурлар аныкталып, сатуучуларга бааларды негизсиз жогорулатпоо боюнча жана белгиленген баадан жогорулатып саткан учурда чара көрүлөрү эскертилди.

Мындан тышкары окуңуз

"Акчаны туура колдонуу - үйдө береке болгону" – Глобалдык акча жумалыгы

Эртеңден тартып Кыргызстанда финансылык сабаттуулукту жогорулатуу боюнча жыл сайын өтүүчү Глобалдык акча жумалыгы башталарын Улуттук банктан билдиришти. Өнөктүк "Акчаны туура колдонуу - үйдө береке болгону" деген ураан менен өтөт. Анда калктын финансылык сабаттуулугун жогорулатуу, чыгашаларды көзөмөлдөө жана инвестициялоо көндүмдөрүн калыптандыруудан тартып, алдамчылыктан коргонуу ыкмалары боюнча маалыматтар берилет. 30-марттан

Дүйнө азык-түлүк каатчылыгына кептелиши ыктымал

Дүйнө өлкөлөрү азык-түлүк кризисинин босогосунда турганын жана дүйнөлүк азык-түлүктүн 50%ы синтетикалык жер семирткичтерге көз каранды экенин аналитик Лукас Эквуаме эскертти. Түндүк жарым шарда эгүү сезону башталып жатат, бирок жер семирткичтерге жеткиликтүүлүк өтө чектелүү. Ормуз кысыгындагы көйгөйлөрдөн улам жер семирткичтердин жеткирүүлөрүнүн болжол менен 30%ы үзгүлтүккө учурады, дагы 20%ы

Бишкекте 334 миң доллар алдамчылыкка шектүү кармалды

Бишкек шаарынын Октябрь райондук ички иштер башкармалыгынын кызматкерлери алдамчылыкка шектүү аялды кармашканын райондук ИИБден билдиришти. Милициянын маалыматына ылайык, Октябрь райондук ИИБге Ж.Ж. аттуу жаран арыз менен кайрылган. Ал А.И.га карата чара көрүүнү суранган. Тергөө версиясы боюнча, 2024-жылдын ноябрынан 2026-жылдын 2-январына чейин ал Чүй облусунун Байтик айылынан жер

Баткенде быйыл 933 гектар жер тамчылатып сугаруу системасына өтөт

Баткен облусунда быйылкы жылы 933 гектар жер тамчылатып сугаруу системасы аркылуу кошумча иштетилет. Бул жерлер таштак жана суусуз болгондуктан буга чейин иштетилген эмес. Облустук администрациянын басма сөз кызматы билдиргендей, айдоо аянттарын көбөйтүү “Айыл чарба системаларында энергетикалык инновацияларды кеңири жайылтуу үчүн алкактык шарт түзүү” деп аталган долбоордун аркылуу ишке ашып жатат.