Кепилдик фонд 100-чү кыргызстандыкка баштапкы төлөмү жок ипотека алууга жардам берди
Ысык-Көл облусунун тургуну «Кепилдик фонд» ААК, «Мамлекеттик ипотекалык компания» ААК жана «РСК Банк» ААК ортосунда түзүлгөн аймактардын жашоочулары үчүн ипотекалык кепилдиктерди берүү келишиминин негизинде кыймылсыз мүлктү баштапкы төлөмсүз сатып алган 100-мүлктүн ээси болду.
Фонд билдиргендей, быйылкы жылы республиканын аймактарынын жашоочуларына 100 ипотекалык кепилдик берилип, анын аркасында өлкөнүн 100 тургуну баштапкы төлөмдү төлөбөстөн турак-жай маселесин чечишти. Жалпысынан жогоруда аталган келишимдин алкагында биринчисин эске алуу менен 101 кепилдик берилген, ал өткөн жылдын аягында Нарын облусунда берилген.
Кепилдик фондунун колдоосу менен эң көп ипотекалык турак жай Чүй облусунан 40 жана 23 бирдик кыймылсыз мүлк Нарын облусунан сатылып алынган. Үчүнчү орунда 19 үй ээси менен Жалал-Абад облусу, андан кийин Ысык-Көл облусу - 14, Талас облусу - 4 жана Ош облусу - 1.
Кепилдик колдоонун жалпы суммасы 26.3 млн сомдон ашыкты түздү, ал эми бул колдоонун аркасында сатып алынган ипотекалык турак жайдын баасы 217,2 миллион сомдон ашты.
