Мугалимдердин 87%ы аялдар
Жыл сайын октябрь айынын биринчи аптасында Кыргызстанда эл аралык Мугалимдер күнү белгиленип келет. 1994-жылдан бери бул күнү билим берүү жана тарбиялоого кошкон салымы үчүн дүйнөдөгү бардык мугалимдерге сый-урмат көрсөтүү салтка айланган.
Улуттук статистика комитетинин маалыматына караганда, 2024-жылы Кыргызстанда иш менен камсыз болгон жарандардын 10%ы билим берүү тармагында эмгектенет. Азыркы учурда өлкө боюнча мектепке чейинки жана жогорку окуу жайларына чейин 5 миңге жакын билим берүү уюмдарында 131 миңден ашык педагог иштейт.
Алардын ичинен орто мектептерде 94 миңге жакын мугалим эмгектенсе, алардын 60 миңден ашыгы айылдык мектептерде, 33 миңден ашыгы шаар жеринде иш алып барышат.
Кыргызстанда мугалимдик кесипти аялдар көп аркалагандыктан, аял мугалимдер 87%ды түзөт.
