Чүйдө, Бишкекте майда көмүр сатууга тыюу салынды
Жаратылыш ресурстары, экология жана техникалык көзөмөл министрлиги Бишкекке жана Чүй облусуна майда көмүрдү алып келип сатууга тыюу салынганын билдирди.
Министрликтин маалыматы боюнча Министрлер кабинети 6-октябрда №639 “Атмосфералык абаны коргоо боюнча айрым чаралар жөнүндө” токтомун бекиткен. Мындай чечим борбордук аймактагы айлана-чөйрөнү коргоо жана абанын сапатын жакшыртууга багытталган.
Аталган документке ылайык эми Чүй облусунда 0-13 миллиметр майдалыктагы көмүрдү ташууга, сатууга, сактоого жана колдонууга тыюу салынат.
Бул токтомду аткаруу үчүн мамлекеттик органдарга:
- бекитилген чектөөлөрдү сакталышына катуу көзөмөл кылууну камсыз кулуу;
- уруксат берилген көмүрдүн түрлөрүн реализациялоо пункттарынын элге жеткиликтүү уюштуруу;
- эл арасында колдонулган чаралардын экологиялык маанилүүлүгү боюнча түшүндүрүү иштерин жүргүзүү;
- Антимонополдук жөнгө салуу кызматына баанын негизсиз жогорулашын болтурбоо үчүн көмүр баасына мониторинг жүргүзүү.
