Тазалык үчүн мелдеш: баш байге — HOWO унаасы
Улуттук тазалык күнүнө карата Жаратылыш ресурстары, экология жана техникалык көзөмөл министрлиги өлкөнүн эң таза аймактарын аныктоо боюнча конкурс жарыялады.
Аталган министрликтен билдиришкендей, сынакта «Эң таза шаар» жана «Эң таза айылдык аймак» деген 2 номинация каралган.
Конкурстун жеңүүчүлөрү төмөнкү критерийлер менен аныкталат:
Калктын, ыктыярчылардын жана уюмдардын кеңири катышуусу;
Тазаланган аймактын көлөмү (тоо, мөңгү, коомдук жайлар ж.б.);
Калдыктарды бөлүп чогултуу жана кайра иштетүүгө берүү;
Тазалыкты колдогон көрнөк-жарнактар (LED-экрандар, билборддор ж.б.);
Агартуу иштери жана маалыматтык кампаниялар;
Жашыл көчөттөрдү отургузуу иштери;
Үлгүлүү таштанды полигондору жана кайра иштетүүчү ишканалар;
Бардык көрсөткүчтөр фото-видео материалдар жана документтер менен тастыкталышы шарт. Министрликтин кызматкерлери жеринде текшерүү жүргүзөт.
1-орунду — таштанды ташуучу унаа (HOWO)
2-орун — сорттоо линиясы
