Бишкекте дем алыш күндөрү азык-түлүк жарманкелери уюштурулат
2025-жылдын 8-ноябрынан тарта 2026-жылдын июнунда чейин ар дем алыш күнү Бишкекте жергиликтүү өндүрүүчүлөрдүн, дыйкандардын жана кол өнөрчүлөрдүн жарманкеси өткөрүлөт. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Иш-чаранын максаты — азык-түлүктүн баасын туруктуу кармоо, калктын социалдык аярлуу катмарына жеткиликтүү тамак-ашты камсыздоо жана ата-мекендик өндүрүүчүлөрдү колдоо.
Жарманке Т. Усубалиев атындагы аянтта, ошондой эле И. Раззаков жана Абдымомунов, Эркиндик бульвары көчөлөрүнүн кесилиштеринде (Биринчи Май району) өткөрүлөт.
Катышуучуларга коюлган талаптар: продукция сапаттуу жана таза болушу, баасы базардан төмөн болушу жана райондук агрардык башкармалыктын тастыктоочу катын алуу.
Кошумча маалымат үчүн байланыш телефондору: (0312) 66-14-22, 0702 70 20 00.
