Сосновка, Кара-Көл көзөмөл-өткөрүү пункттарында былтыр 300 млн 266 миң сом чогулган
Сосновка менен Кара-Көл көзөмөл-өткөрүү пункттарында QR-код төлөм системасы аркылуу 2025-жылы жалпы 300 млн 266 миң сом жыйым чогулганын Транспорт жана коммуникациялар министрлиги билдирди.
Бул былтыркы жылдын ушул мезгилине салыштырмалуу 35,48%га көп.
Буга чейин калкка кызмат көрсөтүүнүн сапатын жогорулатуу, адам факторун жокко чыгаруу, коррупциялык көрүнүштөрдү болтурбоо максатында көзөмөл-өткөрүү пункттарын накталай эмес төлөмгө өткөрүү тапшырмасы коюлган. Натыйжада, айдоочулар үчүн накталай төлөм жүргүзүү токтотулган.
Учурда жарандар заманбап жана ыңгайлуу болгон QR-код же электрондук капчыктар аркылуу төлөм жүргүзүп жатышат.
Мындан тышкары, Сосновка жана Кара-Көл контролдоо пунктарында транспорт каражаттарынын тыгынын алдын алуу максатында жол тилкелери кеңейтилген.
