Нарында 11 продукцияга "Нарын бренди" белгиси берилди
Нарын облус жетекчисинин биринчи орун басары Руслан Сапарбековдун катышуусунда өткөн "Нарын бренд" комитетинин кезектеги жыйынында 11 продукцияга "Нарын бренди" белгиси берилгенин “Кабар” маалымат агенттиги жазды.
Президенттин аймактагы өкүлчүлүгүнөн билдиришкендей, жыйынга "Бир айыл - бир продукт" долбоорунун жетекчиси Акихиса Харагучи, Өзгөчө кырдаалдар министрлигинин KG RESILAND долбоорунун координатору Нурбек Жумалиев, БУУнун Дүйнөлүк азык-түлүк программасынын Нарын облусундагы программалык ассистенти Кундуз Курманбаева жана башка тиешелүү кызматтардын өкүлдөрү, ишкерлер катышты.
Жыйында жергиликтүү ресурстарды колдонуу менен өндүрүлгөн 11 продукция тандалып алынып, “Нарын брендинин” сертификаттары тапшырылды.
Кремдүү топоз рагусу – Кубан Акматов;
“Көчмөндөр” пиццасы - Жибек Торгоева;
Сафлор майы - Менсетбек Жакшылыков;
“Ак-Талаа” эрте жаздагы балы - Мамбеткалый Артыков;
“Жумгал” эспарцет балы - Асейин уулу Нурдин;
Кургатылган эт - Стан Сайнидинов;
Алма кагы - Улук Мамбеталиев;
“Кызыл туз” ооз чайкагычы- Улан Кудайбергенов;
Сүзмө печеньеси - Асел Нуракова;
Ышталган чучук - Максат Казыбаев.
