Статистиканы санариптештирүүнүн жаңы мүмкүнчүлүктөрү талкууланды

Астанада "Улуттук статистикалык системаларды санариптештирүү" аттуу эл аралык форум өттү. Иш-чарага КМШ өлкөлөрү жана дүйнөлүк уюмдардын 150дөн ашуун өкүлү катышты. Бул тууралуу Улуттук статистика комитетинен билдиришти.

Кыргызстан делегациясын Улуттук статистика комитетинин төрагасы Бактыбек Кудайбергенов жетектеп, "Маалыматтардын сапатын камсыздоонун элементи катары статистиканы санариптештирүү" темасында баяндама жасады. Ал өз сөзүндө статистикалык процесстерди санариптештирүү расмий маалыматтарга ишенимдүүлүктү, ачыктыкты жогорулатууга багытталган стратегиялык багыт экенин белгиледи. ошондой эле ал заманбап статистика улуттук маалыматтар экосистемасын түзүүдө жана мамлекеттик чечимдерди кабыл алуу үчүн сапаттуу маалыматтык негизди камсыз кылууда негизги ролду ойной турганын баса белгиледи.

Форум статистиканы санариптештирүүнүн заманбап тенденцияларын, маалыматтардын сапатын жана коопсуздугун, ошондой эле жасалма интеллект жана чоң маалыматтарды колдонуу практикасын талкуулады.

Иш-чара КМШнын Статистика комитетинин колдоосу менен өткөрүлүп, кызматташтыкты чыңдоого багытталды.