Өлкөдө 2040-жылга чейин биологиялык ар түрдүүлүктү сактоо программасы иштелип чыкты
Бүгүн Кыргызстанда 2040-жылга чейин биологиялык ар түрдүүлүктү сактоо боюнча мамлекеттик программаны бекитүүгө арналган улуттук семинар өттү. Иш-чарага мамлекеттик органдар, илимий чөйрө, жарандык коом жана эл аралык уюмдардын өкүлдөрү катышты. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Программа өлкөдөгү биологиялык ар түрдүүлүктү сактоо жана экосистемаларды туруктуу башкаруу боюнча негизги стратегиялык документ болуп саналат. Анын ишке ашырылышын көзөмөлдөө үчүн ачык-айкын жана илимий негизделген мониторинг системасы түзүлөт.
Кыргызстан ПРООН жана Глобалдык экологиялык фонддун колдоосу менен даярдалган документ аркылуу тоолуу токойлордон жана жайыттардан тартып, суу экосистемаларына жана сейрек кездешүүчү түрлөргө чейин табигый байлыктарды сактап, рационалдуу пайдаланууга умтулат.
Семинарда Мампрограмманын долбоору каралып, анын координациялоо, каржылоо жана ишке ашыруу механизмдери талкууланды.
