Балык чарбаларынын коопсуздугу үчүн лабораториялык текшерүүлөр жүргүзүлүүдө
А.Дүйшеев атындагы Кыргыз ветеринария илим-изилдөө институту балыктардын негизги вирустук жана бактериялык жугуштуу ооруларын лабораториялык шартта так жана ыкчам аныктоого багытталган иштерди жүргүзөт. Институтта заманбап диагностикалык жабдуулар жана тажрыйбалуу адистер иштейт. Бул тууралуу Айыл чарба министрлигинен билдиришти.
Институт балык өндүрүүчүлөргө вирустук жана бактериялык инфекцияларды аныктоо, изилдөөлөрдүн жыйынтыгы боюнча консультация берүү жана чарбалардагы оорулардын алдын алуу боюнча адистештирилген кызматтарды сунуштайт.
Лабораториялык изилдөөлөр балык чарбаларындагы оорулардын алдын алууга, өндүрүштүн туруктуулугун камсыздоого жана продукциянын сапатын жогорулатууга жардам берет.
Институт өлкөдөгү бардык балык чарбаларын кызматтарды пайдаланууга чакырат. Дареги: Бишкек шаары, Тоголок Молдо көчөсү 60. А.Дүйшеев атындагы Кыргыз ветеринария илим-изилдөө институту
