Бишкек 2050: мэрия шаарды өнүктүрүү планын талкуулоого эксперттерди чакырат
Бишкек шаарынын мэриясы шаар куруу, архитектура, транспорт жана экология тармактарындагы эксперттерди жана адистерди 2050-жылга чейин Бишкек шаарын өнүктүрүүнүн Башкы планынын долбоорунун презентациясына жана эксперттик талкуусуна чакырат.
Мэриянын маалыматына ылайык, иш-чара 2025-жылдын 2-декабрында саат 15:00дө өтөт. Дареги: Бишкек ш., Тоголок Молдо көч., 17/7, "Жаштык Арена".
Жолугушуунун алкагында долбоордун иштеп чыгуучулары Башкы пландын долбоорун сунуштап, андан кийин чакырылган адистердин катышуусунда эксперттик талкуу уюштурулат.
Иш-чарага катышууну каалагандар алдын ала 0709 08 11 04 телефону аркылуу катышуусун тастыктап коюусу зарыл. Өзүңүз менен өздүктү тастыктоочу документ алып келүү өтө маанилүү.
Бишкек шаарынын мэриясы эксперттердин активдүү катышуусун күтүп жатат.
