Көлмөсүндөгү 90 тонна балыгы өлүп калган ишкер укук коргоо органдарына кайрылды
Ысык-Ата районундагы суунун булганышынан улам 90 тонна балык өлүп калган көлмөнүн ээси 24.кg маалымат агенттигине кайрылып, иликтөө иштеринин кечеңдөөсү жана аны жабырлануучу катары таануудан баш тартылып жатканы тууралуу айтып берген.
Ишкердин айтымында, 12-август түнү “Жаңы көл” балык чарбасынын көлүндөгү балыктар толук кырылып калган. Суу ресурстары, айыл чарба жана кайра иштетүү министрлигинин ички иликтөөсүнөн соң сууда нормадан бир топ жогорку деңгэлдеги аммиак бар экени аныкталган. Бул кычкылтектин жетишсиздигин пайда кылып балыктардын гипоксиясына алып келген.
Министрликтин маалыматында суунун булганышына айылдардан же өнөр жай ишканаларынан агып келген химиялык-биологиялык заттар себеп болгону айтылган. Натыйжада көлмө ээси Виктор Ким 24,5 млн сомдук материалдык чыгымга учураган. Ал Чүй прокуратурасына кайрылып, алар комплекстик текшерүү жүргүзүшүп экологиялык мыйзам бузуулар боюнча акт түзүшүп, кылмыш ишин козгошкон. Матералдар андан ары кароо үчүн аймактын башкы ички иштер башкармалыгына жөнөтүлгөн.
Виктор Кимдин айтымында, кылмыш иши козголгонуна карабай, ал эмдигиче жабырлануучу катар кабыл алынбай, тергөөчүгө жолуга албай жатыптыр. ОШол себептен ал Чүй облусунун укук коргоо органдарынын жектечилигинен КРнын мыйзамдарына ылайык бул иштин тергөө иштерин ылдамдатып, укугун коргоп берүүнү суранган.
24.kg редакциясынын суроосуна Чүй облустук ИИББинен жооп берип, бул иш боюнча тергөө жана процессуалдык иш чаралар жүрүп жатканын жана мыйзам чегинде жыйынтык чыгарын билдиришкен.
