Жеке мектеп ачуучулар лицензияны автоматташтырылган системада гана алышат
Жеке менчик мектептерге лицензия берүү автоматташтырылган системада гана жүргүзүлөрүн Агартуу министрлигинен билдиргенин "Кабар" маалымат агенттиги кабарлады.
Министрлик белгилегендей, 2025-жылдын 8-декабрынан тартып жеке менчик башталгыч, негизги жана жалпы орто билим берүү программаларын ишке ашырууга лицензия алуу үчүн бардык арыздар жана документтер "Лицензиялоо" автоматташтырылган маалымат системасы аркылуу гана кабыл алынат.
Арыз берүү үчүн шилтеме: https://license.edu.gov.kg/
2025-жылдын 5-декабрында саат 18:00дөн кийин кагаз түрүндөгү документтер кабыл алынбайт.
Жаңы тартип санариптик трансформацияны өркүндөтүү жана лицензиялоо процессин жөнөкөйлөтүү боюнча Өкмөттүк акселераторлор программасынын алкагында ишке киргизилди.
Министрлик электрондук форматка өтүү арыздарды кароо мөөнөтүн кыскартып, ачык-айкындуулукту арттырып, билим берүү мекемелерине ыңгайлуу кызмат көрсөтүүгө шарт түзөрүн белгилейт.
