Коом

Инновациялык "Манас" агрокластеринин мастер-планы тааныштырылды

Ишкер Media

02 дек. 2025 09:41

Суу ресурстары, айыл чарба жана кайра иштетүү өнөр жайы министрлигинде "Манас" аталышындагы инновациялык агроөнөр жай кластерин өнүктүрүүгө арналган алдын ала мастер-планды тааныштыруу боюнча маанилүү презентация болуп өттү. Бул тууралуу Айыл чарба министрлигинин маалымат кызматынан билдиришти.

350 гектар аянтты камтыган бул ири комплекс "Корея – Кыргызстан" агроөнөр жай комплекси" деп аталган стратегиялык долбоордун негизги компоненттеринин бири болуп саналат. Мастер-планды Кореянын Айылдык коомчулуктар корпорациясынын (KRCC) адистери иштеп чыгып, ал Президенттин Жарлыгына ылайык Кластердин башкаруучу компаниясы болуп бекитилген "Кыргыз Агрохолдинг" ААКсына расмий түрдө тапшырылды.

"Кыргыз Агрохолдинг" ААК мындан ары долбоордун практикалык ишке ашырылышын камсыз кылат. Анын милдеттерине инвестицияларды тартуу, курулуш иштерин координациялоо, жана мастер-планга ылайык корей технологияларынын акыркы жетишкендиктерин киргизүү кирет.

Жаңы кластер жогорку сапаттагы айыл чарба продукциясын өндүрүү, кайра иштетүү жана экспорттоо боюнча региондогу ири агрохабдардын бири болушу күтүлүүдө. Долбоор Кыргызстан менен Кореянын ортосундагы кызматташууну жаңы деңгээлге чыгарып, өлкөнүн агрардык секторуна олуттуу салым кошору белгиленди.

Мындан тышкары окуңуз

Майыптыгы бар жарандардын мамлекеттик кызматка иштөөсүнө жол ачылды

Президент Садыр Жапаров “Мамлекеттик жарандык кызмат жана муниципалдык кызмат жөнүндө” мыйзамга өзгөртүүлөрдү киргизүү тууралуу” мыйзамга кол койду. Мыйзам 2026-жылдын 4-июнунда Жогорку Кеңеш тарабынан кабыл алынган. Мыйзамдын максаты майыптыгы бар адамдарга мамлекеттик кызматка кирүүсүнө шарт түзүлөт. Мыйзам менен “Мамлекеттик жарандык кызмат жана муниципалдык кызмат жөнүндө” мыйзамга төмөнкү өзгөртүүлөрдү киргизүү

Бишкек шаарында суунун баасы кымбаттады

Бишкекте муздак суунун баасы көтөрүлдү. Бул чечимди Бишкек шаардык кеңеши кабыл алды. Маалыматка ылайык, суунун бир куб метринин баасы 10,45 сомдон 15,73 сомго чейин, ал эми канализация үчүн 3,45 сомдон 6,80 сомго чейин көтөрүлдү. Бишкек шаардык кеңешине суу менен камсыздоо тарифтерин көтөрүү сунушун борбор калаанын мэриясы

"Чоң-Капка – автожол” өткөрүү пункту 70 млн сомго оңдолду

Талас облусунун Манас районунда жайгашкан “Чон-Капка – автожол” автомобиль өткөрүү пунктунда комплекстүү оңдоо иштери аяктады. Маалыматка ылайык, “Чон-Капка – автожол” өткөрүү пунктунун оңдолушу менен жарандардын транспорт каражаттары аркылуу мамлекеттик чек арадан өтүү шарттары жакшырды. Ошондой эле көзөмөлдөөчү органдардын иштөөсү үчүн заманбап инфраструктураны түзүү максатында жүргүзүлдү. Долбоорду ишке ашырууга жалпы 70

Кыргызстан менен Казакстан туризм жаатында кызматташат

26-июнда Бишкек шаарында Алматы – Бишкек экономикалык коридору демилгесинин алкагында Кыргызстан менен Казакстандын туризм боюнча биргелешкен жумушчу тобунун жыйыны болуп өттү. Бул тууралуу Туризмди өнүктүрүү агенттигинен билдиришти. Маалыматка ылайык, жыйынга Бишкек шаарынын мэриясынын Дене тарбия жана спорт, туризм жана жаштар менен иштөө департаментинин кызматкерлери, Туризмди өнүктүрүү мамлекеттик агенттигинин, Казакстандын Туризм