Бишкекте 4-декабрда бир катар аймактарда ичүүчү суу убактылуу токтотулат
Эртең 4-декабрда саат 10:00дөн 24:00гө чейин Бишкектин бир катар аймактарында ичүүчү суу берүү убактылуу токтотулат. Бул тууралуу "Бишкексууканал" МИси билдирди.
Маалыматка ылайык, суу токтотуу шаардагы турак жайларга, мектептерге, бала бакчаларга, саламаттыкты сактоо мекемелерине жана башка социалдык-тиричилик жана өнөр жай объектилерине тиешелүү.
Суунун токтотулушу төмөнкү көчөлөрдөгү авариялык-калыбына келтирүү иштерине байланыштуу жүргүзүлөт:
- Селекционное – Муромская – Биримдик – Жайыл Баатыр көчөлөрү (диаметри 250 мм)
- Садырбаев – Ташауз – Циолковский – Чукотская – Бакаев көчөлөрү (Ташауз 100 мм, Бакаев 300 мм)
"Бишкексууканал" жаралган ыңгайсыздык үчүн кечирим сурайт жана шаар тургундарын, ишканаларды ичүүчү сууну алдын ала камдап алууга чакырат.
