Коом

Аквакультура тармагында улуттук өндүрүш: Б.Төрөбаев BIOJEM заводуна барды

Ишкер Media

04 дек. 2025 15:23

Суу ресурстары, айыл чарба жана кайра иштетүү өнөр жайы министри Бакыт Төрөбаев Чүй облусунун Москва районунун Петровка айылында жайгашкан BIOJEM компаниясынын өндүрүш процесси менен таанышты.

BIOJEM — тузсуз аквакультура үчүн профессионалдык тоюттарды чыгарган улуттук өндүрүүчү. Кыргызстандагы бул багытта иш алып барган үч компаниянын бири болуп саналат жана заманбап экструзиондук жабдуулар менен толук циклдеги өндүрүшкө ээ. Компания жылына 35 миң тоннага чейин тоют чыгарууга мүмкүнчүлүк түзгөн.

Заводдун өзгөчөлүктөрүнө автоматташтырылган экструзиондук линия, вакуумдук майлоо технологиялары, ар кандай балык түрлөрүнө ылайыкташкан рецептуралар, сапатты көзөмөлдөөнүн толук цикли — сырьё кабыл алуудан тартып даяр продукцияны таңгактоого чейин, заманбап жабдылган лаборатория жана европалык жана азиялык адистер менен туруктуу технологиялык консалтинг кирет.

BIOJEM продукциясынын ассортиментине форель, осетр, карп жана башка тузсуз суу балыктары үчүн тоюттар кирет. Тоюттар жогорку сиңиримдүүлүккө, балансташтырылган протеин, май, витамин жана минералдык курамга ээ.

Министр Бакыт Төрөбаев белгилегендей, Кыргызстанда аквакультура тармагын өнүктүрүүдө ата мекендик өндүрүштүн ролу өзгөчө маанилүү. Ички рынокту сапаттуу тоют менен камсыз кылуу жана экспортук потенциалды жогорулатуу — тармактын негизги багыттарынын бири.

BIOJEM компаниясы улуттук аквакультура чарбаларын эффективдүү, сапаттуу жана дүйнөлүк стандарттарга шайкеш тоюттар менен камсыздоону улантат.

Мындан тышкары окуңуз

Баткендеги катуу шамалдын кесепети 16 млн сом чыгымга учуратты

27-июнда Баткен шаарында, ошондой эле Баткен жана Лейлек райондорунун аймагында катуу шамал болуп, шамалдын ылдамдыгы секундасына 27–28 метрге чейин жетти. Бул тууралуу президентинин Баткен облусундагы ыйгарым укуктуу өкүлүнүн басма сөз кызматы билдирди. Маалыматка ылайык, жаратылыш кырсыгынын кесепетинен айрым турак үйлөрдүн жана социалдык объектилердин чатырлары жабыркап, башка материалдык чыгымдар

Нарындагы мыйзамсыз курулган тосмолор буздурулууда

Нарын шаарынын Жаңы Жол чөлкөмүндө мыйзамсыз тосулуп алынган жер аянттарын кайтарып алуу максатында дубал тосмолор жана сарайлар бузулууда. Нарын шаардык мэриясынын маалымат кызматынын айтымына караганда, “Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо” жөнүндөгү президенттин 109 -Жарлыгынын алкагында мыйзамсыз курулуштарды аныктоо, бузуу боюнча жарандарга билдирүүлөр да

Кыргызстан менен Пакистан соода-экономикалык долбоорлорду ишке ашырат

Инвестициялар боюнча улуттук агенттиктин башчысы Равшанбек Сабиров Пакистандын Лахор шаарындагы Кыргызстандын ардактуу консулу менен жолугушту. Аталган мекеменин маалыматына ылайык, жолугушууда Кыргызстан менен Пакистандын ортосундагы инвестициялык жана соода-экономикалык кызматташуунун келечектүү багыттары талкууланды. Пакистан тарап Кыргызстандын инвестициялык мүмкүнчүлүктөрү, артыкчылыктуу тармактары жана инвесторлор үчүн каралган мамлекеттик колдоо чаралары менен таанышты. Равшанбек Сабир

“Кыргыз Петролеум Компаниясын” жаңылоого 409,9 млн доллар каралган

Министрлер Кабинетинин төрагасынын орун басары Эрлист Акунбеков Жалал-Абад облусуна болгон жумуш сапарынын алкагында Манас шаарында өлкөдөгү күйүүчү-майлоочу май маселелерине байланыштуу тиешелүү мамлекеттик органдардын жетекчилеринин жана мунай менен иш алып барган бир катар жеке компаниялардын жетекчилеринин катышуусунда жыйын өткөрдү. Президенттик админстрациянын маалыматтык саясат бөлүмүнүн маалыматына ылайык, отурумда негизинен “Кыргызнефтегаз”