Аймактарда жол боюндагы тилкелерге мөмөлүү бактарды отургузуу пландалууда
Суу ресурстары, айыл чарба жана кайра иштетүү өнөр жайы министрлиги өлкө аймактарында жер кыртышынын эрозиясын азайтуу жана жашыл инфраструктураны өнүктүрүү максатында жол боюнда мөмөлүү бактарды отургузуу демилгесин ишке киргизүүдө.
Министрликтин маалыматына ылайык, долбоордун алкагында ар бир районде болжол менен 1 чакырым негизги жол тилкесине мөмөлүү дарактар тигилет. Учурда айрым облустарда тиешелүү жер тилкелери аныкталып, 2026-жылы көчөттөрдү отургузууну баштоо пландалууда.
Министрлик аймактык климаттык шарттарды эске алуу менен “2024–2028-жылдарга карата мөмө-жемиш, жүзүм жана жангактуулардын сортторун райондоштуруу” тизмесине ылайык сортторду колдонууну сунуштайт.
Чет өлкөлөрдүн тажрыйбасы көрсөткөндөй, жол бойлото туура уюштурулган мөмөлүү бактар айлана-чөйрөнүн абалын жакшыртып, мөмө-жемиш өндүрүүнү көбөйтүү аркылуу өлкөнүн азык-түлүк коопсуздугуна да оң таасирин тийгизет.
Азыркы тапта бул демилгени ишке ашыруу үчүн Министрлик адистери тарабынан Министрлер Кабинетинин тиешелүү тескеме долбоору даярдоо үстүндө.
