Муниципалдык жерлерди мыйзамсыз ээлөөгө каршы иштер уланууда
Жер пайдаланууну контролдоо боюнча башкармалыгы шаардык жол-транспорт түйүнүн өнүктүрүүгө тоскоолдук кылган, мыйзамсыз курулган объектилерди алып салуу иштерин улантууда. Бул тууралуу мэриядан билдиришти.
Сибирский тар көчөсүндө жүргүзүлгөн иштердин жүрүшүндө 9 капиталдык курулуш жана 11 тосмо алынды. Натыйжада узундугу 144 метр, жалпы аянты 1700 чарчы метр муниципалдык жер бошотулду. Бул кадам жолду ачууга жана жарандардын эркин өтүүсүнө шарт түзөт.
2025-жылдын январь-ноябрь айларындагы 11 айдын жыйынтыгы боюнча башкармалык жалпы 127 116 чарчы метр муниципалдык жерди бошотту, бул ФИФА стандарты боюнча 18 футболдук талаанын аянтына барабар.
Бошотулган жерлер шаар инфраструктурасын өнүктүрүүгө, жолдорду кеңейтүүгө жана калктын ыңгайлуулугун камсыздоого багытталат.
