Азык-түлүк баалары: Кыргызстан, Казакстан жана Россиядагы өзгөрүүлөр
Суу ресурстары, айыл чарба жана кайра иштетүү өнөр жайы министрлиги тарабынан Кыргызстанда жана чет өлкөлөрдө (Россия Федерациясы, Казакстан) азык-түлүк продуктуларынын баалары боюнча салыштырма мониторинг жүргүзүлдү. Мониторингге нан азыктары, картошка, жашылча-жемиштер, мөмө-жемиштер, эт, сүт, кумшекер, жумуртка, өсүмдүк майы жана башка азыктар кирди. Бул тууралуу ведомстводон билдиришти.
Кыргызстанда: макарон азыктары (спагетти, вермишель) 3,1%, баш пияз 2,8%, картошка 1,5%, 1 сорттогу буудай унунан жасалган нан 1,5%, жергиликтүү 1 сорттогу уну 1,3%, жумуртка 1,2%, каймак май 0,9%, макарон азыктары (рожки) 0,7%, тандыр нан 0,7%, өсүмдүк майы 0,3%, пастерленген сүт 0,1%га жогорулаган. Ал эми сабиз 6,2%, күрүч 0,2%, кум-шекер 0,2%га арзандаган.
Казакстанда: картошка 1,2%, сабиз 3,8%, уй эти 3,8%га кымбаттаган, ал эми кум-шекер 6,1%га арзандаган.
Россияда: 1 сорттогу буудай унунан жасалган нан 11,5%, баш пияз 3,2%, уй эти 3,1%, каймак май 2,8%, өсүмдүк майы 2,7%, жергиликтүү 1 сорттогу уну 2,5%, сабиз 2,3%, картошка 2,4%, жумуртка 2,2%, макарон азыктары 3%, кой эти 2%, күрүч 1,8%, кум-шекер 1,8%га кымбаттаган.
Мониторингдин жыйынтыгы азык-түлүк рыногундагы өзгөрүүлөрдү көрүүгө, бааларды салыштыруу аркылуу керектөөчүлөргө маалымат берүүгө жана өкмөттүк органдардын чечим кабыл алуусуна өбөлгө түзөт.
