Баткендеги Риштан кенинин запастары тууралуу расмий маалымат
Жаратылыш ресурстары, экология жана техникалык көзөмөл министрлигине караштуу Кыргыз геологиялык кызматы Баткен облусундагы Түндүк жана Түштүк Риштан газ-мунай кен жайларындагы запастар тууралуу расмий маалымат берди.
Министрликтин маалыматына ылайык, Түндүк Риштан кен жайы Кадамжай районунун Кадамжай шаарынан 60 км түштүк-чыгышта жайгашкан. Кен жай 1954-жылдан тартып иштетилип, эксплуатация мезгилинде 46 скважина бургуланган. 2025-жылдын 1-январына карата пайдалуу запастар:
- Мунай: геологиялык — 654,42 миң тонна, алынуучу — 20,38 миң тонна
- Мунайда эриген газ: геологиялык — 68,62 млн м³, алынуучу — 56,61 млн м³
- Эркин газ: геологиялык — 44,17 млн м³, алынуучу — 36,44 млн м³
Түштүк Риштан кен жайы Фуркат станциясынан 60 км түштүк-чыгышта жайгашып, 1989-жылы ачылган. Эркин газдын запасы 2025-жылдын 1-январына карата геологиялык — 1 916,02 млн м³, алынуучу — 356,86 млн м³ деп бааланган.
Кыргыз геологиялык кызматы белгилегендей, пайдалуу кендердин запастары тууралуу маалыматтар ыйгарым укуктуу мамлекеттик органдардын чечимдерине жана бекитилген геологиялык материалдарга гана негизделет.
